Oralda eki avtokólik soqtyǵysyp, 3 bala zardap shekti
ORAL. QazAqparat – Oralda eki avtokólik soqtyǵysyp, úsh bala zardap shekti, dep habarlaıdy QazAqparat tilshisi.
Oblystyq densaýlyq saqtaý basqarmasynyń naqtylaýynsha, jedel járdem saǵat 10.47-de shaqyrylyp, brıgada bes mınýttan keıin jetti. 2014 jylǵy balanyń mıy shaıqalǵan degen kúdik bar. 7 aılyq sábıdiń oń jaq keýde tusy kógergen. 2016 jylǵy bala ishinen jabyq jaraqat aldy degen kúdikpen anasymen birge oblystyq kópbeıindi balalar aýrýhanasyna jetkizildi.
BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa búgin shamamen jergilikti saǵat 10.47-de Muhıt pen Dáýletkereı kósheleriniń qıylysynda boldy.
«VAZ-2115» avtokóligi Muhıt kóshesimen kele jatqan «Lada Prıorany» ótkizbeı, soqtyǵysýǵa jol bergen.
Sonyń saldarynan 4, 6 jasar balalar jáne 7 aılyq sábı zardap shekti. Aldyn ala málimet boıynsha olardyń mıy shaıqalyp, jabyq bas-mı jaraqatyn alǵan.
Oqıǵa ornynda polıtsııa qyzmetkerleri jumys jasady. Oqıǵanyń jaı-japsary anyqtalý ústinde.
Eske sala keteıik, budan buryn Aqsaı qalasynda 6 adam tamaqtan ýlanyp, aýrýhanaǵa túskenin jazǵan bolatynbyz.
