Oralda eki avtokólik soǵysyp, úsh adam aýrýhanaǵa tústi
BQO polıtsııa departamentiniń baspasóz qyzmetinen málim etkenindeı, oqıǵa 19 jeltoqsanǵa qaraǵan túni Abaı dańǵylynda boldy.
«29 jastaǵy júrgizýshi WV Polo avtokóligimen jol apatyna tústi. Ol 2004 jylǵy júrgizýshi aıdap kele jatqan Toyota Kamry avtokóligimen soqtyǵysýǵa jol berdi. Sonyń saldarynan kóptegen dene jaraqattarymen WV Polo júrgizýshisi oblystyq aýrýhananyń jansaqtaý bólimine jetkizildi. Jaǵdaıy aýyr. Osy oqıǵa boıynsha QR QK 345-babyna sáıkes sotqa deıingi tergeý amaldary júrgizilýde», dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, jedel járdem saǵat 00.17-de shaqyrtyldy. Aldyn ala málimet boıynsha 29 jastaǵy jigit bas pen mıdyń jabyq jaraqatyn alyp, sol jaq samaı súıegi synǵan. Birinshi dárejeli travmatıkalyq shok alǵan ol jansaqtaý bóliminde jatyr. 2003 jáne 2004 jylǵy jigitter bas pen mıdyń jabyq jaraqatyn alǵan. Barlyǵy da oblystyq kópbeıindi aýrýhanaǵa túsken.
Eske sala keteıik, budan buryn BQO-da úsh avtokólik túıisip, Nissan Patrol órtenip ketkenin jazǵan bolatynbyz.