Oralda eki avtobýs soqtyǵysyp, 11 adam aýrýhanaǵa jetkizildi

ORAL. QazAqparat - Oralda eki avtobýs soqtyǵysyp, 11 adam aýrýhanaǵa jetkizildi, dep habarlaıdy QazAqparat tilshisi.

Oqıǵaǵa kýá bolǵandardyń sózinshe, jol apaty búgin shamamen saǵat 10.30-da Muhıt jáne Dáýletkereı kósheleriniń qıylysynda boldy.

Qalada 39-baǵytta júretin «PAZ» avtobýsynyń júrgizýshisi Dáýletkereı kóshesimen kele jatyp, basty kóshe - Muhıtqa shyǵarda jol bermeı, 30D baǵytynda júretin avtobýspen soqtyǵysqan.

Saldarynan 39-avtobýs qıylysta turǵan Toyota Camry avtokóligine aýdarylǵan.

Jol apatynan keıin 11 adam jaraqat pýnktine júgindi, olardyń bireýi - bala.

BQO Polıtsııa departamenti jáne oblystyq Densaýlyq saqtaý basqarmasynyń baspasóz qyzmeti oqıǵany rastap, qosymsha aqparatty keıin beretinin jetkizdi.