Oralda eki adamnyń ómirin qıǵan jol apatyn jasaǵan eks-depýtat sottaldy
ORAL. QazAqparat - Oralda oblystyq máslıhattyń burynǵy depýtaty Qaıdar Qoşanovqa qatysty sot úkimi shyqty, dep habarlaıdy QazAqparat tilshisi.
Oral qalalyq sotynan túsken málimetke qaraǵanda, Q.Qoşanov QR QK 345-baby 4-bóligine sáıkes aıypty dep tanyldy. Oǵan 7 jyl merzimge kólik quralyn basqarý quqyǵynan aıyrýmen birge 5 jylǵa bas bostandyǵynan aıyrý jazasy belgilendi. Degenmen QR QK 63-baby qoldanylyp, jaza shartty dep tanyldy.
Q.Qoşanovqa atalǵan merzimge probatsııalyq baqylaý ornatylyp, arnaıy organnyń ruqsatynsyz turǵylyqty mekenjaıyn ózgertpeý, kóńil kóterý oryndaryna barmaý mindetteri júkteldi.
Sot talqysynda belgili bolǵandaı, «Bolashaq-T» JShS dırektory Q.Qoşanov ótken jyldyń 29 naýryz kúni shamamen saǵat 08.40-ta «Toıota Land Krýzer 200» kóligimen Samara-Shymkent joly men Jáńgir han kósheleriniń qıylysynda, «QazMunaıGaz» janar-jaǵar maı quıýstansasy tusynda basty jolǵa shyǵyp ketken. Sonyń saldarynan basty jolmen kele jatqan 1995 jylǵy Vıacheslav Lopýhın aıdaǵan «Lada 21703» kóligimen túıisýge jol bergen. Sodan keıin shyǵys baǵytta kele jatqan 1994 jylǵy Mızam Maloshev aıdaǵan«Aýdı» kóligine soǵylǵan.
Jol apaty saldarynan V.Lopýhın men sol kólikte bolǵan 1954 jylǵy N.Kondrashkına oblystyq klınıkalyq aýrýhanaǵa jetkizilip, sonda kóz jumdy.
