Oralda eki adamdy óltirgen kúdiktiler ustaldy
ORAL. QazAqparat – Oralda eki adamdy óltirgen kúdiktiler ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 26 tamyz kúni Zachagan kentinde Oral-Atyraý joly boıyndaǵy orman ishinen zorlyqpen óltirilgen áıeldiń denesi tabylǵan.
Jedel izdestirý barysynda 1990 jyly týǵan er adam ustalyp, ol 1963 jylǵy áıeldi óltirgenin moıyndady.
Sonymen qatar, atalǵan kúdikti men onyń 1992 jylǵy tanysy óltirgen er adamnyń múrdesi 27 tamyz kúni «Gazovık» saıajaı aýdanynan tabyldy.
Ustalǵandardan marqumnyń velosıpedi men sómkesi tárkilendi.
Qazirgi kezde QR QK 99-babyna sáıkes sotqa deıingi tergeý amaldary júrgizilýde.
