Oralda eki adamdy qaǵyp ketken mas júrgizýshi qamaýǵa alyndy
ORAL. QazAqparat - Oralda eki adamdy qaǵyp ketken mas júrgizýshi qamaýǵa alyndy, dep habarlaıdy QazAqparat tilshisi.
Batys Qazaqstan oblystyq polıtsııa departamentiniń baspasóz qyzmetinen habarlaǵanyndaı, keshe shamamen saǵat 22.30-da 1989 jylǵy júrgizýshi «VAZ-21150» avtokóligimen Samara-Shymkent kúre jolynda «Krasnov» polıtsııa beketi tusynda qarsy betke shyǵyp ketip, eki adamdy qaqty.
Sonyń saldarynan «Volvo» avtokóliginiń 1983 jylǵy G. degen júrgizýshisi oqıǵa ornynda kóz jumdy. Oǵan qosa BQO polıtsııa departamenti jol-patrýldik polıtsııa batalonynyń 1990 jylǵy ınspektory túrli jaraqat alyp, aýrýhanaǵa jatqyzyldy.
Jol-kólik oqıǵasyn jasaǵannan keıin «VAZ-21150» avtokóliginiń júrgizýshisi oqıǵa ornynan boı tasalaýǵa tyrysty, alaıda polıtsııa qyzmetkerlerinen qutyla alǵan joq.
Medıtsınalyq kýálandyrý qorytyndysyna sáıkes júrgizýshi orta dárejedegi mas kúıinde bolǵan.
Atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde.
Ustalǵan júrgizýshi QR Qylmystyq ister júrgizý kodeksi 128-babynyń tártibimen ýaqytsha oqshaýlaý ızolıatoryna qamaldy.
Eske sala keteıik, budan buryn Oralda avtokóliktiń eki adamdy qaǵyp ketkenin jazǵan bolatynbyz.
Osyǵan deıin Oralda avtokóliktiń eki adamdy qaǵyp ketkenin jazǵan bolatynbyz.
