Oralda eki adam sýǵa batyp ketti
ORAL. QazAqparat - Oralda sońǵy kúnderi eki adam sýǵa batyp ketti, dep habarlaıdy QazAqparat tilshisi.
Batys Qazaqstan oblystyq TJ departamenti jedel qutqarý jasaǵy súńgýir-qutqarý qyzmetiniń basshysy Alekseı Eremeevtiń aıtýynsha, birinshi oqıǵa 7 maýsym kúni saǵat 15.20 shamasynda Elızarov kóshesi mańynda boldy.
Jıyrma jastaǵy jigit Jaıyq ózenine batyp ketken. Onyń denesi 10 maýsym kúni saǵat 18.30-da Kýrenı aýdany mańynda Jaıyq ózeninen shyǵaryldy.
Ekinshi oqıǵa 8 maýsym kúni saǵat 21.25 shamasynda Samal-3 shaǵynaýdany mańynda boldy. Іshimdik ishken jasy elýler shamasyndaǵy er adam Shaǵan ózeninen shyqpaı qalǵan. Marqumnyń denesi sol boıda sýdan shyǵaryldy.
Bulardyń ekeýi de shomylýǵa jabdyqtalmaǵan jerden sýǵa túsken.
BQO TJ departamentiniń málimeti boıynsha osymen bıyl 12 adam sýǵa ketse, sonyń úsheýi - balalar. Ótken jyly osy merzimde 10 adam (ekeýi - jasóspirim) qurban bolǵan edi.
Eske sala keteıik, budan buryn BQO-da 19 jasar jigittiń sýǵa ketip, qyz balanyń qutqarylǵanyn jazǵan bolatynbyz.
