Oralda eki sheteldik azamat esirtki zerthanasyn uıymdastyrǵan

ASTANA. KAZINFORM – Oral qalasynda ıntımdik qyzmet kórsetýmen jáne esirtki zattaryn taratýmen aınalysqan 36 jastaǵy áıel ustaldy.

QR Іshki ister mınıstrliginen málim etkenindeı, oǵan qosa jedel izdestirý is-sharalarynyń nátıjesinde eki sheteldik azamat uıymdastyrǵan esirtki zerthanasy joıyldy.

«Jalǵa alynǵan úıdi tintý barysynda sıntetıkalyq esirtki óndirýge arnalǵan jabdyq jáne satýǵa daıyn 9 kılogramm mefedron tárkilendi. 27 myńnan astam bir rettik doza aınalymǵa jiberilgen joq. Qolǵa túskender ýaqytsha ustaý ızolıatoryna qamaldy. Qazirgi ýaqytta sotqa deıingi tergeý amaldary júrgizilýde, – dedi QR ІІM esirtki qylmysyna qarsy is-qımyl komıteti tóraǵasynyń orynbasary Danııar Meıirhan.

Eske sala keteıik, budan buryn BQO-da qostanaılyq turǵynnyń 2 myń doza esirtkimen qolǵa túskenin jazǵan bolatynbyz.