Oralda eki qyz 1,6 kelige jýyq sıntetıkalyq esirtkimen ustaldy

ORAL. KAZINFORM — «Qarasora» jedel aldyn alý is-sharasy barysynda esirtki qylmysyna qarsy is-qımyl basqarmasynyń qyzmetkerleri sıntetıkalyq esirtkini taratty degen kúdikpen 1999 jylǵy eki qyzdy qolǵa túsirdi. 

BQO polıtsııa departamentiniń baspasóz qyzmetinen málim etkenindeı, olar qala mańyndaǵy orman alqabynda ustaldy. Jeke tintý kezinde untaq zat salynǵan 30 orama tabyldy.

Keıin jalǵa alynǵan páterden taǵy 125 orama, aq jáne qyzyl tústi untaq zattary 5 konteıner, elektrondy tarazy, zip-paketter, oqshaýlaý lentasy tárkilendi. 

Saraptama nátıjesine sáıkes 817,16 gramm Alpha-PVP, 782,44 gramm mefedron, 192,13 gramm gashısh, barlyǵy 1 kg 599,6 gramm esirtki alyndy.

— Atalǵan derek boıynsha qylmystyq is qozǵalyp, kúdiktiler ýaqytsha ustaý ızolıatoryna qamaldy. Qazirgi kezde tergeý amaldary júrgizilip, esirtki jetkizý arnalary men yqtımal sybaılastar anyqtalý ústinde, dep habarlady vedomstvodan.

Eske sala keteıik, budan buryn Oralda er adam balasyna qatygezdik kórsetkenin jazǵan bolatynbyz.