01:35, 25 Mamyr 2024 | GMT +6
Oralda eki qabatty meıramhananyń shatyry órtendi
ORAL. KAZINFORM – Oral qalasynda eki qabatty «Nuraly» meıramhanasynyń shatyry órtendi.
BQO TJ departamentiniń baspasóz qyzmetinen málim etkenindeı, oqıǵa 24 mamyr kúni saǵat 17.04-te Zachagan kentindegi M.Móńkeuly kóshesi 51/3-mekenjaıynda boldy.
«Órt sóndirýshiler 6 mınýttan keıin kelip jetkende, meıramhananyń shatyry janyp jatqan. Ǵımarattyń jalpy aýdany – 1 894 sharshy metr. Órttiń aýmaǵy 390 sharshy metrdi qamtydy. Zardap shekkender joq. «Tilsiz jaý» BQO TJ departamentiniń kúsh-quraldarymen (63 adam, 22 tehnıka) saǵat 19.05-te oqshaýlanyp, 19.44-te tolyqtaı aýyzdyqtaldy», dep habarlady vedomstvodan.
Qazirgi kezde órttiń shyǵý sebebi, keltirilgen shyǵyn anyqtalý ústinde.
