Oralda dzıýdodan jastar sport oıyndary ótýde
ORAL. QazAqparat – Oral qalasyndaǵy tennıs ortalyǵynda dzıýdodan Qazaqstan Respýblıkasynyń V jastar sport oıyndary ótýde, dep habarlaıdy QazAqparat tilshisi.
Jarys barlyq sanıtarlyq talaptar saqtalyp, kórermensiz uıymdastyryldy.
Qazaqstan dzıýdo federatsııasy málim etkenindeı, aıtýly dodaǵa elimizdiń oblystary men qalalarynan barlyǵy 115 ul jáne 105 qyz qatysyp, baq synaýda.
Aldymen tórt salmaq dárejesinde jeńimpaz-júldegerler anyqtaldy. 48 kg salmaqta qyzylordalyq Janerke Asqarova jeńimpaz atansa, atyraýlyq Aıana Dúısenbaı kúmis, almatylyq Gýzal Aıýpova men Almaty oblysynyń ókili Dıana Býrkebaeva qola júldege ıe boldy. 52 kg salmaqta taǵy bir qyzylordalyq Qundyz Jylqybaı altynnan alqa taqty. Shymkenttik Ásemgúl Baltabaı kúmis medaldi enshilese, Almaty oblysynan kelgen Álpesh Іzenbaı men shyǵysqazaqstandyq Balnur Ábdenova úzdik úshtikti túıindedi.
Sondaı-aq 60 kg salmaqta almatylyq Sherzod Davlatov chempıon atandy. Mańǵystaýlyq Mereı Mahambetov ekinshi, shyǵysqazaqstandyq Esentaı Imahanov pen elordalyq Madııar Myrzahmetov úshinshi orynnan kórindi. 66 kg salmaqta shyǵysqazaqstandyq Ánýar Jumageldın eshkimdi shydatpady. Almaty oblysynyń ókili Bekzat Ábilákim kúmis, mańǵystaýlyq Ádil Marlen men elordalyq Ersultan Dúısenhan qola júldeni ıelendi.
Taǵy úsh salmaqta jeńimpaz-júldegerler mynadaı retpen ornalasty.
57 kg
1. Tolǵanaı Ábeýova (Aqmola)
2. Dana Aıtbaeva (Túrkistan)
3. Móldir Bısenova (ShQO)
3.Aqnur Asylbekova (Almaty o.)
63 kg
1. Krıstına Sotnıkova (ShQO)
2. Samalaı Erǵalıeva (Qostanaı)
3. Esimgúl Kýıýpova (Atyraý)
3.Hanzada Qaıratova (Qaraǵandy)
73 kg
1. Serikbol Estaı (ShQO)
2. Atabek Turlybaev (Qaraǵandy)
3. Beksultan Dúısenov (Túrkistan)
3.Islam Tólegen (Aqmola).
Jastar oıyndary 31 naýryz kúni márege jetedi.
