Oralda dzıýdodan respýblıkalyq týrnır márege jetti
ORAL. QazAqparat – Oralda Batys Qazaqstan oblysynyń túıe palýany, «Syrym» kúres mektebiniń negizin qalaýshy Oralbek Qojageldındi eske alýǵa arnalǵan dzıýdodan 2005-2006 jylǵy jasóspirimder arasynda respýblıkalyq ashyq týrnır márege jetti, dep habarlaıdy QazAqparat tilshisi.
Dástúrli dodanyń ekinshi kúni bes salmaq dárejesi boıynsha chempıondar belgili boldy.
Atap aıtqanda, Ersultan Satybaldıev (55 kg, BQO, Qaztalov aýdany), Bekjan Ǵalymjan (60 kg, Oral, №4 balalar-jasóspirimder sport mektebi), Sahıb Cherkezlı (Oral, sportqa daryndy balalarǵa arnalǵan mamandandyrylǵan oblystyq mektep-ınternaty), Qasıet Qarqyn (73 kg, ShQO), Dmıtrıı Fedorov (+73 kg, Reseı Federatsııasy) jeńis tuǵyryna kóterildi.
Osylaısha eki kúnde on salmaq dárejesi boıynsha jeńimpaz-júldegerler anyqtaldy.
Jalpykomandalyq esepte sportqa daryndy balalarǵa arnalǵan mamandandyrylǵan oblystyq mektep-ınternaty úzdik shyqsa, BQO-nyń Qaztalov aýdany ekinshi, RF komandasy úshinshi orynǵa ıe boldy.
Eske sala keteıik, budan buryn Oralda Oralbek Qojageldındi eske alýǵa arnalǵan respýblıkalyq týrnır ótip jatqanyn jazǵan bolatynbyz.
