Oralda dzıýdodan Qazaqstan chempıonaty márege jetti
Qazaqstan dzıýdo federatsııasy málim etkendeı, jarystyń úshinshi kúni bes salmaq dárejesinde jeńimpaz-júldegerler anyqtaldy.
Erler arasynda 90 kg salmaqta fınalda shymkenttik Ersultan Muzapparovtan aılasyn asyrǵan aqtóbelik Ádilet Mıssın úzdik shyqty.
Almatylyq Erasyl Jańataev pen atyraýlyq Suńǵat Zakarııaev qola júldege ıe boldy.
100 kelige deıingi salmaqta qyzylordalyq Nurlyhan Sharhannyń mereıi ústem boldy. Qaraǵandylyq Erqanat Moldaǵulov ekinshi, pavlodarlyq Serik Sálmenov pen taǵy bir qyzylordalyq Aıbek Serikbaev úshinshi orynǵa kóterildi.
Asa aýyr salmaqta (+100 kg) batysqazaqstandyq Temirlan Kólbaı qarsylastarynyń bárinen basym túsip, jeńimpaz atandy.
Shyǵysqazaqstandyq Ádil Orazbaev kúmis, jambyldyqtar Jambyl Turǵynálıev pen Ǵalymjan Qyryqbaev qola medaldi qanaǵat tutty.
Osylaısha birinshilik barysynda batysqazaqstandyq bapker Qasym Qajenovtiń qos birdeı shákirti Temirlan Kólbaı men Gaýhar Ermaǵambetova oblys tarıhynda alǵash ret Qazaqstan chempıony ataǵyn jeńip aldy. Bul – úlken jetistik.
Áıelder arasynda chempıonattyń sońǵy kúni 78 kelige deıingi salmaqta aqtóbelik Arýna Jangeldınanyń baǵy jandy.
Shyǵysqazaqstandyq Nazerke Tileýhanovaǵa kúmis, túrkistandyq Nazgúl Esimbek pen shymkenttik Albına Bahıevaǵa qola júlde buıyrdy.
Al 78 keliden joǵary salmaqta Almaty oblysynan kelgen Kámıla Berliqash altynǵa qol sozdy.
Almaty qalasynyń ókili Aqerke Ramazanova kúmisti qanaǵat tutsa, batysqazaqstandyq Karına Tákıeva men soltústikqazaqstandyq Nazgúl Maratova úzdik úshtikke ilikti.
Eske sala keteıik, budan buryn dzıýdodan Qazaqstan chempıonatynda alǵashqy jeńimpaz-júldegerler anyqtalǵanyn, jarystyń ekinshi kúni kimder úzdik shyqqanyn jazǵan bolatynbyz.