Oralda dúkenge qaraqshylyq shabýyl jasaǵan kúdikti ustaldy
ORAL. QazAqparat - 1 qarasha kúni saǵat 17.30-da qalanyń ortalyǵynda ornalasqan dúkenderdiń birine betperde kıgen ekeý basyp kirip, pyshaqpen qorqytyp, kassadan 50 myń teńge alyp ketken, dep habarlaıdy «QazAqparat» tilshisi.
Oral qalalyq ishki ister basqarmasy jergilikti polıtsııa qyzmetiniń aǵa ınspektory, polıtsııa maıory Dınara Ábdilqalyqovanyń aıtýynsha, jol-patrýldik batalony qyzmetkerleri qylmystyń izin sýytpaı, Zelenov aýdanynyń 1998 jylǵy turǵynyn qolǵa túsirdi. Ýaqytsha oqshaýlaý ızolıatoryna qamalǵan odan betperde, aqsha, pyshaq tárkilendi. Zelenov aýdanynda turatyn 1997 jylǵy ekinshi kúdikti anyqtalyp, izdestirilýde.
QR QK 192-baby 2-bóligine (qaraqshylyq) sáıkes qylmystyq is qozǵalyp, Abaı polıtsııa bólimi tergeý amaldaryn júrgizýde.
