Oralda dúken tonap, turǵynnyń úıinen 3 mln teńgeniń buıymyn jymqyrǵan ury ustaldy
BQO polıtsııa departamentiniń baspasóz qyzmeti málim etkenindeı, qazirgi kezde 28 jastaǵy turǵynǵa qatysty QR QK 188-baby (urlyq) jáne 191-baby 2-bóligine (tonaý) sáıkes sotqa deıingi tergeý amaldary júrgizilýde.
Kúdikti 18 qarasha kúni «Na Gvardeıskoı» dúkenine shabýyldap, 5 myń teńge zalal keltirgeni úshin qolǵa tústi.
Tergeý barysynda onyń budan buryn da osyndaı qylmysy úshin izdestirilýde júrgeni anyqtaldy. Atap aıtqanda, 13 qarasha kúni «Batık» dúkenine kirip, satýshydan bir bótelke araq berýdi ótingen. Satýshy taýar bereıin dep jatqan kezde onyń betine burysh spreıin shashyp, kassadan 20 myń teńgeni alyp ketken. Satýshy tonaýshyny ustaýǵa tyrysqanymen, ol qashyp ketken.
Sondaı-aq jas jigittiń turǵyn úıge kirip, gaýhar jáne asyl tastar men altyn buıymdar, uıaly telefondy, Sony PlayStation oıyn konsolin urlaǵany anyutaldy. Zalal kólemi 3 mln teńge.
Kúdiktiniń basqa da qylmystarǵa qatystylyǵy tekserilýde.