Oralda doıbydan Qazaqstan chempıonaty márege jetti
ORAL. QazAqparat - Oral qalasynda doıby 64-ten erler men áıelder, sondaı-aq 23 jáne 20 jasqa deıingiler arasynda Qazaqstan chempıonaty márege jetti, dep habarlaıdy «QazAqparat» tilshisi.
Qaladaǵy №2 balalar-jasóspirimder sport mektebinen túsken málimetke qaraǵanda, el birinshiligine Aqmola, Aqtóbe, Atyraý, Qaraǵandy, Qostanaı, Mańǵystaý, Ońtústik jáne Batys Qazaqstan oblystarynan alpystan astam doıbyshy qatysyp, blıts, rapıd jáne doıbynyń klassıkalyq túrinen baq synady.
On kúnge sozylǵan chempıonat qorytyndysynda blıtsten áıelder arasynda batysqazaqstandyq Aıshat Aqylbek, erlerden aqtóbelik Mırat Jekeev, 23 jasqa deıingilerden oraldyq Áıgerim Saǵatova men aqtóbelik Rústem Omarov, 20 jasqa deıingilerden batysqazaqstandyqtar Toǵjan Tájibekova men Ádilhan Meıram chempıon atandy. Rapıdten áıelderden Álııa Kamalova (BQO), erlerden M.Jekeev (Aqtóbe), 23 jasqa deıingilerden Balaýsa Jolamanova (BQO) men Islam Nábı (OQO), 20 jasqa deıingilerden Danagúl Jumalıeva men Erzat Kenjeǵalı (ekeýi de Atyraýdan) jeńis tuǵyryna kóterildi.
Klassıkalyq doıbydan áıelderden Janat Qudaıbergen (BQO), erlerden Stepan Kovalenko (Aqtóbe), 23 jasqa deıingilerden Elızaveta Bapıeva (BQO) men Saǵyntaı Orynǵalıev (Aqtóbe), 20 jasqa deıingilerden Danagúl Jumalıeva (Atyraý) men Asylhan Aıtmuhanbetov (Aqtóbe) chempıondyq ataqty jeńip aldy.
Aıta keteıik, batysqazaqstandyq Anel Dáýletova erler arasynda synǵa túsip, klassıkalyq doıbydan kúmis, rapıd pen blıtsten qola júldeni oljalady
