Oralda dopty hokkeıden jasóspirimder arasynda el chempıonaty márege jetti
ORAL. QazAqparat – Oraldaǵy «Jastar» stadıonynda dopty hokkeıden jasy 15-ten aspaǵan jasóspirimder arasynda el chempıonaty márege jetti, dep habarlaıdy QazAqparat tilshisi.
Birinshilikke barlyǵy alty komanda qatysyp, baq synady.
Alty kúnge sozylǵan jarys qorytyndysynda BQO komandasy (bapkeri Vıtalıı Nemolochnov) jeńimpaz atandy. Aqtóbe oblysy Hromtaý qalasynan kelgen jasóspirimder ekinshi, almatylyqtar úshinshi orynǵa ıe boldy.
Barlyq jeńimpaz-júldegerler medal, dıplom jáne kýboktarmen marapattaldy. Atalymdar boıynsha úzdik shyqqan jekelegen hokkeıshiler de umyt qalǵan joq.
Chempıonattyń ashylý rásiminde muzdy sapaly daıyndaǵany úshin «Jastar» stadıony ákimshiligine alǵys aıtyldy.
