Oralda Derkól kenti men shaǵynaýdandarǵa aýyz sý berý toqtatylady

ORAL. KAZINFORM – Oral qalasyna qarasty Derkól kentinde sý qubyrlaryn aýystyrý jumystary júrgizilip jatyr.

«Batys sý arnasy» JShS-nyń baspasóz qyzmetinen málim etkenindeı, ınvestıtsııalyq baǵdarlamany iske asyrý josparyna sáıkes Y.Altynsarın jáne Aqjar kósheleri mańynda dıametri 300 mm jańa sý qubyry iske qosylady. Osyǵan baılanysty 4 shildede saǵat 00.00-den bastap tańǵy 10.00-ge deıin aýyz sý berý toqtatylady.

- Atap aıtqanda, osy merzimde Derkól kentinde, «Aqjaıyq», «Kókjıek», «Saryarqa», «Ósken», «Kýmyska», «Novostroıka» shaǵynaýdandarynda, Rybtseh, Mashtakov, Vetelkı aýyldarynda sý bolmaıdy. Oǵan qosa № 12, 48, 51 jalpy orta bilim beretin mektepter, «Kolokolchık» balabaqshasy, «Kýbleı», «Jaıyq et» JShS, «Tomarıks», «Drýjba» baý-baqsha seriktestigi, «Neftek», «Venoıl», «Metan» janar-jaǵar maı quıý stansalaryna aýyz sý berý toqtatylady, - dep habarlady vedomstvodan.

Eske sala keteıik, budan buryn Oralda qubyr jarylyp, qalanyń bir bóligi sýsyz qalǵanyn jazǵan edik.