Oralda depozıttik shottan 6,5 mln teńge jymqyrǵan 21 jastaǵy jigit ustaldy

ORAL. KAZINFORM — Oral qalasynda telefon urlap, 6,5 mln teńge jymqyrǵan 21 jastaǵy kúdikti qolǵa tústi.

BQO Polıtsııa departamentiniń baspasóz qyzmetinen málim etkenindeı, atalǵan kúdikti 30 jastaǵy er adamnyń uıaly telefonyn qoldy etip, onyń depozıttik shotynan 6,5 mln teńgeni aýdaryp jibergen.

- Tergeý barysynda jábirlenýshiniń kúdiktimen jaqyn arada tanysqany anyqtaldy. Senimine kirgen kúdikti onyń uıaly telefonyn ıemdenip, banktik shotyna qol jetkizgen. Budan bólek, polıtsııa qyzmetkerleri 35 jastaǵy áıeldi ustady. Ol alaıaqtyq jolmen kórý qabileti nashar áıeldiń atynan 500 myń teńge nesıe rásimdegen. Kúdikti kómek kórsetý nıetin alǵa tartyp, senimge ıe bolǵan soń, mobıldi bankıng qosymshasy arqyly nesıe rásimdep úlgergen. Atalǵan derekter boıynsha sotqa deıingi tergeý amaldary júrgizilip jatyr. Polıtsııa qyzmetkerleri azamattarǵa beıtanys adamdarmen qarym-qatynasta saq bolý, qarjylyq operatsııalarǵa baılanysty barlyq qujattar men qosymshalardy muqııat tekserý kerektigin eske salady, - dep habarlady vedomstvodan.

Eske sala keteıik, budan buryn BQO-da 17 adamdy aldaǵan qylmystyq toptyń quryqtalǵanyn jazǵan bolatynbyz.