Oralda daýys bergen tanymal ónerpaz «Atameken» ánin oryndady

ORAL. KAZINFORM — Búgin Oral qalasyndaǵy № 230 referendým ýchaskesinde Aq Jaıyq óńirinen shyqqan tanymal ónerpaz, Ǵ.Qurmanǵalıev atyndaǵy Batys Qazaqstan oblystyq akademııalyq fılarmonııasynyń solısi, «Eren eńbegi úshin» medaliniń ıegeri Aıbar Haıyrhanov daýys berdi. 

Aıbar daýys berip qana qoımaı, óziniń vızıttik kartochkasyna aınalǵan Eskendir Hasanǵalıevtiń «Atameken» ánin (sózin jazǵan Qadyr Myrza Áli) shyrqap, daýys berýshilerdi bir serpiltti. 

BQO aýmaqtyq referendým komıssııasynyń málimetine qaraǵanda, Oral qalasynda 136 ýchaske qalypty jumys istep jatyr. Oblys ortalyǵynda daýys berý quqyǵy bar 237 532 adam tirkelgen. 

Posmotret etý pýblıkatsııý v Instagram

Pýblıkatsııa ot Joldasqalıev Nurǵalı (@zholdaskaliyev)

Eske sala keteıik, budan buryn Batys Qazaqstanda referendým kúni 489 ýchaske jumys isteıtinin jazǵan bolatynbyz.

Aıta ketelik búgin referendým bastaldy, el halqy óz tańdaýyn jasaıdy.