Oralda dástúrli Sorochın jármeńkesi boldy
Kúzgi jıyn-terinnen soń búkil halyqtyń qýanyshyna aınalatyn jármeńkeler Ýkraınada HІH ǵasyrdan keńinen taraǵan.
Oblys ákiminiń orynbasary Serik Súleımen jármeńkege kelgenderdi quttyqtap, onyń ár shańyraqqa yrys-bereke ákelýine tilektestigin bildirdi.
Bıyl Oralda Sorochın jármeńkesi besinshi ret toılanyp otyr. Oǵan Zelenov, Terekti, Bórli, Tasqala, Shyńǵyrlaý aýdandarynan ýkraın ulttyq-mádenı ortalyqtarynyń ókilderi kelip, ulttyq dám-taǵamdaryn usyndy, kontsertterin qoıyp jatty. Jergilikti ismerler qolynan shyqqan buıymdar da kelýshilerdi beı-jaı qaldyrǵan joq.
Ýkraın etnomádenı ortalyǵynyń tóraǵasy Vıktor Tarasenkonyń sózine qaraǵanda, aldaǵy ýaqytta jármeńke aıasyn keńeıtip, Reseı men Ýkraınada, Aqtóbe sekildi kórshiles oblystarda turyp jatqan ýkraın ultynyń ókilderin shaqyrý oılastyrylýda.
