Oralda Danııar Eleýsinovtiń júldesi úshin halyqaralyq týrnır ótýde
Jarysqa Danııarmen birge onyń ákesi ári jattyqtyrýshysy Marat Eleýsinov, bokstan Qazaqstan ulttyq quramasynyń bas bapkeri Myrzaǵalı Aıtjanov arnaıy keldi.
BQO dene shynyqtyrý jáne sport basqarmasynyń basshysy Ásııa Amanbaevanyń aıtýynsha, birneshe kúnge sozylatyn básekege elimiz óńirlerinen segiz komanda, sondaı-aq ózbekstandyq jáne tájikstandyq boksshylar qatysýda.
Jarystyń ashylý rásimine qatysqan oblys ákimi Altaı Kólginov qazirgi kezde kásipqoı boksta baǵyn synap júrgen el maqtanyshy Danııar Eleýsinovtiń atynda Oralda budan eki jyl buryn boks ortalyǵy ashylsa, endi alǵash ret ashyq týrnır uıymdastyrylyp otyrǵandyǵyn jetkizdi.
D.Eleýsinov osyndaı qurmet úshin jerlesterine rızashylyǵyn bildirdi.
«Danııar - áýesqoı boksta barlyq bıikti baǵyndyrǵan sanaýly sportshylardyń biri. Oǵan qandaı qurmet kórsetse de jarasady. Danııardaı sańlaqtardyń izbasarlary kóbeıe berýi úshin elimizde osyndaı sharalardy uıymdastyrýdyń mańyzy zor», dedi Myrzaǵalı Aıtjanov. 
