Oralda burynǵy áıeli men qyzyn syrtynan jaýyp, úıdi órtegen turǵyn qamaýǵa alyndy
ORAL. QazAqparat – Oralda burynǵy áıeli men qyzyn syrtynan jaýyp, úıge ot qoıǵan turǵyn qamaýǵa alyndy, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, kúdikti QR Qylmystyq is júrgizý kodeksi 139-baby tártibimen Oral qalasy polıtsııa basqarmasynyń ýaqytsha oqshaýlaý ızolıatoryna qamaldy.
Atalǵan er adam 20 shilde kúni saǵat 22.40 shamasynda Zachagan kentindegi Qus fabrıkasy aýdanynda burynǵy áıeliniń úıine ot qoıyp, oqıǵa ornynan boı tasalaǵan.
Jedel izdestirý sharalary barysynda ustalǵan kúdikti qylmysyn moıyndaǵan.
Osy qylmys boıynsha Zachagan polıtsııa bólimi QR QK 202-baby 2-bóligine sáıkes tergeý amaldaryn júrgizýde.
Saraptamalar taǵaıyndaldy.
Eske sala keteıik, budan buryn Oral turǵyny burynǵy áıeli men qyzyn syrtynan jaýyp, úıge ot qoıǵanyn jazǵan bolatynbyz.
