Oralda burshaq jaýyp, baý-baqsha aǵashtaryna zııan keldi
ORAL. QazAqparat – Oral qalasyna qarasty Krýgloozernyı kentinde burshaq jaýdy, dep habarlaıdy QazAqparat tilshisi.
20 mamyr kúni burshaq aralas nóser jańbyr 20 mınýttaı jaýǵan. Sonyń saldarynan baý-baqsha aǵashtary men óskinderge zııan kelgen.
Keshe Zachagan kentinde de álsin-álsin nóser jańbyr quıyp ótti.
BQO TJ departamenti baspasóz qyzmetiniń naqtylaýynsha, áleýmettik jelilerge monıtorıng jasaý kezinde Krýgloozernyı kentinde burshaq jaýǵany týraly aqparat jarııalanǵany belgili boldy.
«Aqparatty tekserý kezinde kent pen Oral qalasy turǵyndarynan burshaqtan jaraqat alǵany jóninde shaǵym túspegeni anyqtaldy. Sharýashylyq nysandary, qurylymdar, kólik ınfraqurylymy zardap shekken joq», dep habarlady vedomstvodan.
BQO densaýlyq saqtaý basqarmasy da adamdardyń burshaqtan jaraqat almaǵanyn jetkizdi.
