Oralda burynǵy kúıeýin pyshaqtaǵan áıel úsh jylǵa sottaldy
ORAL. KAZINFORM – Oral qalalyq sotynda Qylmystyq kodekstiń 106-baby 1-bóligine (densaýlyqqa qasaqana aýyr zııan keltirý) sáıkes aıyp taǵylǵan áıelge qatysty úkim shyqty.
BQO sotynyń baspasóz qyzmetinen málim etkenindeı, áıel mas kúıinde bıylǵy naýryz aıynan bastap birge turyp kelgen burynǵy jubaıymen sózge kelgen.
Janjal barysynda áıel as úı pyshaǵyn alyp, jábirlenýshiniń oń jaq jaýyryn tusyna bir ret soqqy jasaǵan. Saldarynan er adamnyń densaýlyǵyna qasaqana aýyr zııan keltirilgen.
Sottalýshy ózine taǵylǵan aıypty tolyq moıyndady.
Jaza taǵaıyndaý kezinde sot onyń kámeletke tolmaǵan balasynyń bolýyn jazany jeńildetetin mán-jaı retinde eskerdi.
- Sot úkimimen áıel Qylmystyq kodekstiń 106-babynyń 1-bóligi boıynsha kináli dep tanylyp, 3 jyl merzimge bas bostandyǵynan aıyrý jazasyna kesildi. Atalmysh kodekstiń 74-baby 1-bóligine sáıkes onyń jazasyn óteýi 1 jyl merzimge keıinge qaldyryldy. Úkim zańdy kúshine engen joq jáne apellıatsııalyq tártippen shaǵym jasalýy múmkin, - dep habarlady BQO sotynyń baspasóz qyzmeti.
Eske sala keteıik, budan buryn BQO-da azamattyq nekedegi kúıeýin óltirgen áıeldiń 10 jylǵa sottalǵanyn jazǵan edik.
