Oralda býkmekerlik keńseni tonaǵan kúdikti ustaldy
ORAL. QazAqparat - 28 naýryz kúni kúndiz belgisiz bireý H.Esenjanov kóshesi, 20 mekenjaıda ornalasqan «Inbet» býkmekerlik keńsesine kirip, kassadan 87 myń teńgeni jymqyryp ketken.
BQO ІІD-niń baspasóz qyzmetinen habarlaǵanyndaı, keńse tonaǵan adam medıtsınalyq betperde kıgenine qaramastan, oraldyq saqshylar qylmystyń izin sýytpaı asha bildi. Sol kúni-aq Oral qalasynyń esh jerde jumys jasamaıtyn, budan buryn da birneshe qylmysymen «kózge túsken» 24 jasar turǵyny qolǵa túsip, odan urlanǵan qarjy men shabýyl kezinde qoldanǵan quraldar alyndy. Kúdikti ýaqytsha oqshaýlaý abaqtysyna qamaldy.
Atalǵan derek boıynsha QR QK 191-baby 2-bólimine (tonaý) sáıkes qylmystyq is qozǵalyp, tergeý amaldary júrgizilýde.
