Oralda búgin moped pen mototsıkl mingen úsh adam jol apatynan qaza tapty

ORAL. QazAqparat - Oral qalasynda bir kúnde eki jol apatynan úsh adam qaza tapty, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, birinshi oqıǵa 25 shilde kúni shamamen saǵat 12.50-de Mahambet aqyn men Kókshetaý kósheleriniń qıylysynda boldy.

1988 jylǵy júrgizýshi aıdap kele jatqan «Toıota Alfard» avtokóligi mopedpen soǵysqan. Mopedtiń 1961 jylǵy júrgizýshisi oqıǵa ornynda kóz jumdy. Atalǵan derek boıynsha QR QK 345-baby 3-bóligine sáıkes sotqa deıingi tergeý amaldary júrgiziláp jatyr.

Taǵy bir jol apaty saǵat 15.04-te Ǵ. Qurmanǵalıev pen Kókshetaý kósheleriniń qıylysynda boldy.

«1971 jylǵy júrgizýshi «VAZ-2114» avtokóligimen mototsıklmen soqtyǵysqan. Sonyń saldarynan mototsıkldiń 1987 jylǵy júrgizýshisi men 1992 jylǵy jolaýshysy mert boldy. Qazirgi kezde QR QK 345-baby 4-bóligine sáıkes qylmystyq is qozǵalyp, oqıǵanyń jaı-japsary anyqtalý ústinde», - dep habarlady vedomstvodan.

BQO densaýlyq saqtaý basqarmasynyń baspasóz qyzmeti 1971 jylǵy er adamnyń aýrýhanaǵa jatýdan bas tartqanyn jetkizdi.

Eske sala keteıik, budan buryn BQO-da avtokólik jylqyǵa soqtyǵysyp, 40 jastaǵy áıeldiń kóz jumǵanyn jazǵan bolatynbyz.