Oralda boıjetken 5-qabattan sekirip ketpek boldy
ORAL. QazAqparat - Oralda tártip saqshylary bes qabatty úıdiń tóbesinen sekirip ketpek bolǵan qyzdy qutqardy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe keshke bolǵan.
Kezekshilikte júrgen polıtsııa aǵa leıtenanty Nurbolat Smaǵul men polıtsııa leıtenanty Nurjan Ǵýmırov ratsııa arqyly bir qyzdyń Eýrazııa dańǵyly 54-úıdiń tóbesine shyǵyp alyp, sekirmek bolyp jatqanyn estıdi.
Oqıǵa ornyna kelgen tártip saqshylary birden tóbege kóteriledi. Birinshi jetken Nurbolat qyzdy áńgimege tartyp, alańdatpaq bolǵanymen, ol jaýap bermeıdi. Degenmen Nurbolat sózge tarta otyryp, qyzǵa jetip, qolynan ustap alady. Sodan keıin Nurjan ekeýi qyzdy tómenge túsiredi.
Qyzdyń kez kelgen sátte sekirip ketýi múmkin bolǵandyqtan, qutqarýshylardy kútýge ýaqyt joq edi. Onyń ústine sol kúni jańbyr jaýǵandyqtan, polıtseılerdiń de tóbeden aıaǵy taıyp ketýi múmkin edi.
Atalmysh derek QR QK 105-baby 1-bóligine sáıkes ózine-ózi qol jumsaý áreketi retinde tirkeldi.
Tergeý amaldary júrgizilgennen keıin qyzdy týysqandary alyp ketti.
Eske sala keteıik, budan buryn Oralda kópirden sekirmek bolǵan qyzdy er adam qutqaryp qalǵanyn jazǵan bolatynbyz.
