Oralda bostandyqqa shyqqan dostar eki adamdy óltirgen
ORAL. QazAqparat – Batys Qazaqstan oblysynda túrmeden bosap shyqqan dostar eki adamdy óltirip, 23 jylǵa deıin bas bostandyqtarynan aıyryldy, dep habarlaıdy QazAqparat tilshisi.
Batys Qazaqstan oblystyq qylmystyq ister jónindegi mamandandyrylǵan aýdanaralyq sotynda isti alqabıler qarap, 29 jastaǵy Evgenıı Leontev pen 25 jastaǵy Alekseı Gıganovty aıypty dep tapty.
Sýdıa Baqyt Ermahanovtyń málim etkenindeı, QR QK 99-baby (kisi óltirý), 188-baby (urlyq) jáne 191-babyna (tonaý) sáıkes, E.Leontev jazalardy ishinara qosý arqyly túpkilikti 23 jylǵa, A.Gıganov 17 jylǵa sottaldy.
Qylmystyń asa qaýipti ekendigi eskerilip, olar jazasyn qaýipsizdik deńgeıi tótenshe qylmystyq-atqarý júıesi mekemesinde óteıtin bolady.
Anyqtalǵandaı, qala mańyndaǵy aýylda dúnıege kelgen sottalýshylar bir-birimen bala kezinen tanys, dos bolǵan. Buǵan deıin de aýyr qylmys jasap, birneshe ret sottalyp úlgergen ekeýi odan qorytyndy shyǵarmaı, jazasyn birge ótep shyqqannan keıin, ótken jylǵy shildeden bastap urlyqpen aınalysqan.
Al 22 tamyz kúni qala mańyndaǵy Ysqyryqtaý aýdanynda 55 jastaǵy áıeldi kezdestirip, birge araq ishken. A.Gıganov dúkenge ketkende, Leontev áıelmen sózge kelip, ony bos bótelkemen jelke tusynan uryp qulatady. Temir turbany alyp, basynan bes-alty ret soqqy jasaıdy. Sol jerde jan tapsyrǵan áıeldi Leontev toǵaıǵa aparyp tastap, sómkesin urlap alady. Muny Gıganov bilgenmen, polıtsııaǵa habarlamaıdy.
Tórt kúnnen keıin, ıaǵnı 26 tamyz kúni Oral-Atyraý joly boıynda ózbekstandyq azamatpen kezdesip, tanystyq ishimdik ishýmen jalǵasady. Taǵy da talas týyndap, Leontev óz jónine ketpek bolǵan jańa tanysynyń basynan beton plıta kesegimen urady. Gıganov ta qalyspaı, jábirlenýshiniń basynan taspen bes márte soqqy jasaıdy. Leontev qımylsyz qalǵan marqumnyń júrek tusyna pyshaq suǵady. Jábirlenýshiniń aqshasyn alyp, biri kúrtesin kıip, ekinshisi velosıpedine minip, boı tasalaıdy.
Olar bir kúnnen keıin polıtseılerdiń qolyna tústi.
Sot úkimi kúshine engen joq.
