Oralda bos turǵan ǵımarat órtendi
ORAL. QazAqparat – Oralda bos turǵan ǵımarat órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 3 sáýir kúni saǵat 21.26-da Syrym Datuly kóshesi 41/7 mekenjaıynda oryn aldy.
Ǵımarattyń tóbesi otqa orandy. Jalyn sharpyǵan aýmaq 80 sharshy metr.
Ǵımarattyń jalpy alańy – 180 sharshy metr.
«Tilsiz jaý» órt sóndirýshilerdiń kúshimen (16 adam, 4 tehnıka) saǵat 22.23-te aýyzdyqtaldy.
Zardap shekkender joq.
Eske sala keteıik, budan buryn BQO-da avtokóliktiń órtengenin jazǵan bolatynbyz.
