Oralda bolǵan tóbeleste bir jigit kóz jumdy
ORAL. QazAqparat - Oralda búgin tańerteń saǵat 08.00-der shamasynda er adamnyń múrdesi tabyldy, dep habarlaıdy QazAqparat tilshisi.
Oqıǵa Muhıt kóshesi boıyndaǵy «Sberbank» AQ ǵımaratynyń aldynda oryn aldy. Kýágerlerdiń sózine qaraǵanda, úsh-tórt adam tóbelesken. Sol jer qorshaýǵa alynyp, polıtsııa qyzmetkerleri jumys jasady. Sonyń saldarynan osy mańdaǵy kóshelerde kólik keptelisi boldy.
Oqıǵany BQO Іshki ister departamenti jergilikti polıtsııa qyzmetiniń bastyǵy, polıtsııa polkovnıgi Manarbek Ǵabdýllın rastady.
«Qazirgi kezde oqıǵanyń neden bolǵanyn anyqtaý ústindemiz. Tergeý amaldaryn júrgizip jatyrmyz», dedi QazAqparat tilshisine M.Ǵabdýllın.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 07.29-da shaqyrylǵan. Jedel járdem brıgadasy 07.35-te jetken. 30 jas shamasyndaǵy er adam jedel járdem kelgenshe kóz jumǵan. Denesinde kóptegen jaraqattar bolǵan.
