Oralda bokstan halyqaralyq týrnırdiń jeńimpazdary anyqtaldy

ORAL. QazAqparat - Oralda Olımpıada chempıony Danııar Eleýsinovtiń júldesi úshin bokstan eresekter arasynda halyqaralyq týrnırdiń jeńimpazdary anyqtaldy, dep habarlaıdy QazAqparat tilshisi.

Bokstan eresekter arasynda BQO-nyń aǵa jattyqtyrýshysy Sattar Sultanǵalıevtiń aıtýynsha, birinshi ret uıymdastyrylǵan jarysqa Ózbekstan men Tájikstannan, Qyzylorda, Mańǵystaý, Aqtóbe, Túrkistan, Batys Qazaqstan oblystary men Shymkent qalasynan qyryqqa jýyq sportshy qatysty.

Týrnır nátıjesinde salmaq dárejelerine qaraı Nursultan Nurıdenov (52 kg), Saǵyndyq Moldashev (57 kg, ekeýi de BQO-dan), Sherbek Rahmatýllaev (63 kg, Ózbekstan), Rasýl Jańbyrbaı (69 kg, BQO), Tursynbaı Qulahmet (75 kg, Qyzylorda), Erik Áljanov (81 kg), Maǵjan Bazarbaı (91 kg, ekeýi de Mańǵystaýdan) jáne Islom ıÝsýpov (+91 kg, Ózbekstan) chempıon atandy.

Jalpykomandalyq esepte BQO quramasy birinshi orynǵa ıe boldy.

«Aldaǵy jyly jarys aýqymyn budan da góri keńirek etip uıymdastyrýdy kózdep otyrmyz. Deńgeıi joǵarylap, 80-90 boksshy keletin bolady», - dedi QazAqparat tilshisine S.Sultanǵalıev.