Oralda «Biz birdeımiz, kemsitýdi bilmeımiz» baıqaýynyń jeńimpazdary belgili boldy
ORAL. QazAqparat - Dostyq úıinde múmkindigi shekteýli 14-29 jastaǵylar arasynda «Biz birdeımiz, kemsitýdi bilmeımiz» shyǵarmashylyq baıqaýy márege jetti, dep habarlaıdy «QazAqparat» tilshisi.
BQO jastar saıasaty máseleleri basqarmasynyń qoldaýymen «Jas qanat» jastar qoǵamdyq birlestigi uıymdastyrǵan dástúrli saıysqa aýdandar men qaladan iriktelip kelgen jıyrmadan astam úmitker qatysyp, baq synady.
Baıqaý qorytyndysynda «Úzdik bı ansambli» atalymy boıynsha oblystyq estý jáne sóıleý qabileti buzylǵan balalarǵa arnalǵan mektep-ınternatynyń «Arman» bı ansambli jeńimpaz atandy. Estradalyq vokaldan oblystyq kórý qabileti buzylǵan balalarǵa arnalǵan mektep-ınternatynyń shákirti Erlan Nurhaev ozyp shyqty. Іsmerlikten aqjaıyqtyq Ańsar Berikov aldyna jan salmasa, mánerlep oqýdan Syrym aýdanyndaǵy «Nurshýaq» qoǵamdyq birlestiginiń múshesi Aqjan Estaýletova jeńiske jetti. Ishara arqyly án oryndaýdan oraldyq Meıramgúl Aıtqalıeva úzdik atandy. Olardyń bárine syılyqtar men alǵyshattar tabys etildi.
