Oralda birneshe kólik soqtyǵysyp, úsh adam jaraqat aldy
ORAL. QazAqparat - Oralda birneshe kólik soqtyǵysyp, úsh adam jaraqat aldy, dep habarlaıdy QazAqparat tilshisi.
Oqıǵa 5 mamyr kúni Eýrazııa dańǵyly boıyndaǵy ortalyq meshit mańynda boldy. Eki avtokólik jáne mototsıkl soqtyǵysqan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 23.15-te shaqyrtyldy.
«2003 jylǵy bozbala, 1997 jáne 1994 jylǵy eki er adam oblystyq aýrýhanaǵa jetkizildi. Aldyn ala málimet boıynsha olar bas pen mıdyń jabyq jaraqatyn alǵan», dedi QazAqparat tilshisine A.Saqposynova.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Oralda jeńil avtokóliktiń mototsıklmen kele jatqan adamdy qaǵyp ketkenin jazǵan bolatynbyz.
