Oralda bir kúnde eki jol apatynan bes bala zardap shekti
ORAL. QazAqparat – Oral qalasynda bir kúnde eki jol apatynan bes bala zardap shekti, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, birinshi oqıǵa 25 sáýir kúni shamamen saǵat 21.00-de Syrym Datuly kóshesinde boldy.
1957 jylǵy júrgizýshi «ÝAZ» avtokóligimen kele jatyp, 1979 jylǵy N. degen azamat aıdaǵan «VAZ-21214» avtokóligimen soqtyǵysýǵa jol berdi.
Keıin anyqtalǵanyndaı, «ÝAZ» avtokóliginiń júrgizýshisi mas kúıinde burylý kezinde jol bermegen.
Jol apaty saldarynan 5 adam zardap shekse, sonyń úsheýi –kámeletke tolmaǵandar.
Sondaı-aq shamamen saǵat 23.40-ta 1994 jylǵy júrgizýshi «Nıssan Maksıma» avtokóligimen Jazıra men Almaly (ıAblonevaıa) kósheleriniń qıylysynda 1985 jylǵy E. aıdaǵan «VAZ-21122» avtokóligine jol bermeı, túıisken.
Sonyń saldarynan «VAZ-21122» avtokóligi jol belgisine baryp soǵylǵan.
Bul jol-kólik oqıǵasynan jaraqat alǵan úsh bala oblystyq kópbeıindi balalar aýrýhanasyna jetkizildi.
Avtokólikter arnaıy turaqqa qoıyldy.
Oblystyq densaýlyq saqtaý basqarmasynyń naqtylaýynsha, saǵat 21.10-da S.Datuly kóshesi boıyndaǵy «Neftek» janar-jaǵar maı stansasy tusyna jedel járdem shaqyryldy. Jol apatynan anasy men onyń úsh qyzy zardap shekti. 1981 jylǵy áıeldiń denesi kógergen. 2001 jylǵy qyz bala mıy shaıqalǵan degen kúdikpen oblystyq aýrýhananyń hırýrgııalyq bólimshesine jatqyzyldy. Іshinen jabyq jaraqat alǵan degen kúdikpen 2006 jáne 2008 jylǵy qyzdar oblystyq kópbeıindi balalar aýrýhanasyna jetkizildi.
Saǵat 23.40-ta bolǵan jol apatynan 2009 jáne 2019 jylǵy er balalar, sondaı-aq 2014 jylǵy qyzdyń mıy shaıqalyp, analarymen birge oblystyq kópbeıindi balalar aýrýhanasyna aparyldy.
