Oralda bir kúnde eki saýda úıinde órt shyqty
ORAL. QazAqparat – Oralda bir kúnde eki saýda úıinde órt shyqty, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkendeı, oqıǵa 15 maýsym kúni saǵat 18.12-de Qurmanǵazy kóshesi, 152-mekenjaıynda 9 qabatty úıde ornalasqan «Shkolnık» saýda úıinde boldy.
Saýda úıiniń birinshi qabatyndaǵy qosalqy ǵımaratta elektr qalqandaǵy kabelder (3 sharshy metr) jandy.
Baspaldaq satysymen 24 adam evakýatsııalandy, onyń tórteýi – balalar.
Zardap shekkender joq.
Tilsiz jaý TJ departamentiniń kúshimen (35 adam, 11 tehnıka) saǵat 19.00-de tolyqtaı joıyldy.
Taǵy bir osyndaı oqıǵa D.Nurpeıisova kóshesi 17/1-mekenjaıynda ornalasqan 2 qabatty «Atrıým» saýda úıinde (jalpy aýdany 9358,9 sharshy metr) tirkeldi.
Ekinshi qabatta saǵat 15.06-da elektr qalqany men kabelder (munyń da aýmaǵy 3 sharshy metr) órtendi.
Saýda úıiniń qyzmetkerleri men kelýshiler ózderi shyǵyp úlgergen.
Órt TJ departamentiniń kúshimen (59 qyzmetker, 19 tehnıka) saǵat 16.07-de sóndirildi.
Qazirgi kezde órtterdiń shyǵý sebebi, keltirilgen shyǵyn anyqtalý ústinde.
Eske sala keteıik, budan buryn Oralda polıtseıler aýdarylǵan avtokólikten úsh adamdy shyǵaryp úlgergenin , avtokóliktin mototsıklmen júrgen eki jasóspirimdi qaǵyp ketkenin jazǵan bolatynbyz.
