Oralda bir kúnde eki kisi ólimi tirkeldi
BQO polıtsııa departamentiniń baspasóz qyzmetinen málim etkenindeı, birinshi oqıǵa Zachagan kentindegi B.Jánekeshev kóshesinde boldy.
«29 qańtar kúni saǵat 01.00-de birge araq ishý barysynda tóbeles bolyp, pyshaq jaraqatyn alǵan 1991 jylǵy turǵyn oqıǵa ornynda kóz jumdy. Kisi óltirýge kúdikti retinde 1989 jáne 1981 jylǵy turǵyndar ustaldy. Ekinshi oqıǵa saǵat 16.30-da boldy. 1990 jylǵy turǵyn úıinde 1982 jylǵy azamattyq nekedegi áıelimen sózge kelip, basynan kóseýmen áldeneshe ret urǵan. Sonyń saldarynan áıel oqıǵa ornynda jan tapsyrdy. Eki oqıǵa boıynsha da QR QK 99-baby 1-bóligine sáıkes qylmystyq is qozǵalyp, tergeý amaldary júrgizilýde», dep habarlady vedomstvodan.
Eske sala keteıik, budan buryn Oralda tanysyn óltirgen turǵynnyń polıtsııaǵa ózi kelgenin jazǵan edik.