Oralda bir kúnde eki adam sýǵa ketti
ORAL. QazAqparat - Oralda bir kúnde eki adam sýǵa ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, qaıǵyly oqıǵa 4 shilde kúni boldy.
Saǵat 17.10-da Shaǵan ózeginde 2003 jylǵy jasóspirim sýdan shyqpaı qaldy. Dostarymen birge júrgen ol jabdyqtalmaǵan jerde sýǵa shomylǵan.
Qutqarýshylar marqumnyń denesin saǵat 20.00-de sýdan shyǵardy.
Sol kúni 1984 jylǵy er adam saǵat 19.30-da Jaıyq ózenine batyp ketti. Dostarymen birge ishimdik ishken ol da jabdyqtalmaǵan jerde shomylǵan.
Marqumnyń denesi 20.05-te shyǵaryldy.
