Oralda bir kúnde 80 adamnan koronavırýs anyqtaldy
BQO Sanıtarlyq-epıdemıologııalyq baqylaý departamentinen málim etkenindeı, «qyzyl» aımaqqa qaıta kirgen óńirde sońǵy táýlikte 109 adamnyń indet juqtyrǵany anyqtalsa, sonyń 80-i Oral qalasynda tirkelip otyr.
Sondaı-aq Báıterek aýdanynda keshe 19, Bórlide 5, Jánibekte 3, Aqjaıyq pen Tasqalada 1 adamnyń aýyrǵany tirkeldi.
JRVI belgileri boıynsha tekserilgen 47 (43,1 paıyzy), buryn aýyrǵandarmen qarym-qatynasta bolǵan 34 (31,1 paıyzy), profılaktıkalyq maqsatta synama alynǵan 17 (15,5 paıyzy), statsıonarlarǵa emdeýge jatqyzý aldynda 11 (10,0 paıyzy) adamnyń koronavırýs juqtyrǵany anyqtaldy.
Oblys boıynsha sońǵy úsh kúnde 249 adam syrqattansa, sonyń 182-si Oral qalasynda tirkeldi.
Mamandardyń sózine qaraǵanda, turǵyndar kóbinese indetti qoǵamdyq oryndarda, sadaqa, toı sekildi otbasylyq is-sharalarda, adamdar kóp júretin qarbalas ýaqytta avtobýstarda juqtyrady.
Іndet bastalǵannan beri óńirde aýyrǵandar sany - 11307, Oral qalasynda 6254-ke jetti.
Eske sala keteıik, budan buryn Batys Qazaqstanda 83 muǵalimnen koronavırýs anyqtalǵanyn jazǵan bolatynbyz.