Oralda bir kúnde 17 avtobýs júrgizýshisi jol erejesin buzdy
ORAL. QazAqparat - Oral qalasynda qoǵamdyq kóliktegi tártipti jaqsartý maqsatynda «Avtobýs» jedel aldyn alý sharasy qolǵa alyndy, dep habarlaıdy «QazAqparat» tilshisi.
Oral qalalyq ishki ister basqarmasynan túsken málimetke qaraǵanda, shara 22 qańtardan 18 aqpanǵa deıin sozylmaq. Alǵashqy kúni-aq 17 qoǵamdyq kólik júrgizýshisiniń jol erejesin buzǵandyǵy belgili boldy.
Aıta keteıik, ótken jyly osyndaı segiz shara uıymdastyrylyp, 169 jol erejesin buzýshylyq anyqtalǵan bolatyn.
Oblys ortalyǵynda 2017 jyly qoǵamdyq kóliktiń qatysýymen 16 jol-kólik oqıǵasy tirkelip, sonyń saldarynan 1 adam qaza taýyp, 86-sy túrli jaraqat aldy.
