Oralda bir-birimen tóbelesken reseılikter Qazaqstannan shyǵarylady
ASTANA. QazAqparat - Oral qalasynda tóbelesken sheteldikterdi respýblıka aýmaǵynan shyǵarý týraly sot sheshim qabyldady, dep habarlaıdy QazAqparat Polisia.kz saıtyna silteme jasap.
«Oral qalasynyń mamandandyrylǵan ákimshilik soty «Sheteldikterdiń quqyqtyq jaǵdaıy týraly» QR Zańynyń 28-babynyń negizinde QR zańnamasyn buzǵany úshin oqıǵanyń barlyq qatysýshylaryn respýblıka aýmaǵynan shyǵarý týraly sheshim qabyldady»,-delingen habarlamada.
Osyǵan deıin Oralda túngi klýbtyń janynda tóbelesken Reseı azamattary bes táýlikke qamalǵanyn habarlaǵanbyz.
