Oralda bir áıel 7 jasar qyzynyń basyn kesip tastaǵan
ASTANA. QazAqparat - Ekaterınbor turǵyny jeti jasar qyzyn óltirip, oǵan jyn-periler solaı isteýge májbúrlegenin aıtqan, dep habarlady RIA Novostı.
RF ІІM Sverdlovsk oblysy boıynsha MB baspasóz qyzmetiniń basshysy Valerıı Gorelyhtyń aıtýynsha, sársenbi kúni keshqurym polıtsııaǵa 40 jastaǵy áıeldiń kórshisi júgingen. Ol áıeldiń qyzyn óltirgenin, munyń polıtsııaǵa habar berýin ótingenin aıtqan.
«Bir bólmeli páterde edende basy kesilgen qyz balanyń denesi jatty... polıtsııa qyzmetkerleriniń nelikten mundaı aýyr qadamǵa bardyń degen suraǵyna áıel salqyn qandy túrde oǵan jyn-periler osylaı isteýge májbúrlegenin aıtqan», - dedi Gorelyh.
Onyń sózine qaraǵanda, áıel buryn sottalmaǵan, erimen 4 jyl buryn ajyrasqan. Áıelge qatysty sot psıhıatrııalyq saraptama taǵaıyndaldy.
Atalmysh fakti boıynsha qylmystyq is qozǵaldy. Onyń ómir boıy bas bostandyǵynan aıyrylýy múmkin.
