Oralda byltyr jóndelgen jol opyrylyp qalǵan – ákimdik jaýap berdi

ORAL. KAZINFORM — Oral qalasynda Bısen Jumaǵalıev kóshesindegi joldyń nasharlyǵyna baılanysty áleýmettik jelide beınejazba tarady.

Оралда былтыр жөнделген жол опырылып қалған – әкімдік жауап берді
Фото: видеодан алынған скрин

Kóshe turǵyndarynyń sózine qaraǵanda, byltyr jóndelgen jol opyrylyp qalǵan. Kóshe bastan-aıaq solaı deýge bolady, júk kólikteri batyp qalady, júrý múmkin emes. Osyǵan baılanysty Oral qalasy ákimdigi jaýap berdi. 

Ákimdikten túsken málimetke qaraǵanda, B.Jumaǵalıev kóshesinde ótken jyly tamyz aıynda shuńqyrlardy jóndeý jumysy júrgizilgen.

— 10-shaǵynaýdandaǵy «Jaıyq arena» sport kesheniniń qurylysy kezinde iri júk kólikteri osy kóshe arqyly qatynap, jolda aqaýlar paıda boldy. Qazir qala boıynsha aǵymdaǵy jol jóndeý jumysy bastaldy. Aldymen negizgi kósheler jóndelip jatyr. Jaqyn arada B.Jumaǵalıev kóshesi de aǵymdaǵy jóndeýden ótedi, - dep habarlady vedomstvodan.

Oıyq shuńqyrlar tek B.Jumaǵalıev kóshesinde ǵana emes. Shahardyń basqa da tustarynda jol oıdym-oıdym bolyp tesilip jatyr.

Eske sala keteıik, budan buryn Oralda topyraq ústine asfalt salynyp jatqanyna baılanysty ákimdik jaýap bergenin jazǵan edik.

Sondaı-aq BQO-da qys ishinde jolǵa asfalt tóselip jatqany habarlandy.

Сейчас читают