Oralda beınejazba tarady: belgisiz bireýler ıtti atyp, qoqys jáshigine tastaǵan
ORAL. KAZINFORM – Oral qalasynda belgisiz bireýlerdiń ıtti atyp, óleksesin qoqys jáshigine tastaǵany jóninde beınejazba tarady.
Instagram áleýmettik jelisinde ornalastyrylǵan beınejazbada er adam Zachagan kentinde Aqsý men Temirtaý kóshesinde 29 qańtar kúni bireýlerdiń kelip, ıtterdi atyp, qoqys jáshikterine laqtyrǵanyn aıtady.
BQO polıtsııa departamentiniń baspasóz qyzmetinen málim etkenindeı, atalǵan derek boıynsha tekserý bastaldy. Itterdiń neden ólgenin anyqtaý úshin ólekseleri saraptamaǵa jiberildi.
BQO veterınarııa basqarmasynan túsken málimetke qaraǵanda, qańǵybas janýarlardy atyp júrgen azamattar týraly derekter joq.
— Qalalyq kommýnaldyq qyzmet pen veterınarııalyq stantsııa qyzmetkerleri janýarlar ólekselerin jınastyrady. Sodan keıin mal molasyna aparyp, kómedi, — dep habarlady vedomstvodan.
Eske sala keteıik, budan buryn Oralda mektep mańynda ıt órip júrgenin jazǵan bolatynbyz.