Oralda beınebaqylaý kamerasynyń kómegimen 82 qylmys ashyldy
ORAL. QazAqparat - Oral qalasynda jyl basynan beri beınebaqylaý kamerasynyń kómegimen 82 qylmys ashyldy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, olardyń ishinde qaraqshylyq, kisi tonaý, buzaqylyq, urlyq, avtokólik aıdap ketý sekildi qylmys túrleri bar. Sonymen qatar 14735 ákimshilik quqyqbuzýshylyq anyqtaldy.
Oblys ortalyǵynda 106 beınebaqylaý kamerasy qoıylǵan. Sonyń 42-si kóshe qıylystarynda, 24-i qoǵamdyq oryndarda, 26-sy memlekettik jáne quqyq qorǵaý organdarynyń ákimshilik ǵımarattary janynda, tórteýi qalaǵa kireberiste, úsheýi temirjol vokzalynda, úsheýi qarý-jaraq dúkeni, tórteýi dinı oryndar mańynda ornatylǵan. Solar arqyly Oral qalalyq ishki ister basqarmasynyń jedel basqarý ortalyǵy shahar kóshelerindegi jaǵdaıdy táýlik boıy baqylap otyrady.
Oǵan qosa «Qaýipsiz aýla» baǵdarlamasy boıynsha 346 kamera ornatylǵan.
Kameralardyń arqasynda qylmystyń izin sýytpaı ashý kórsetkishi artyp keledi.
