Oralda besinshi qabattyń terezesinen qulap ketken eki balaǵa ota jasaldy

ORAL. QazAqparat – Oralda besinshi qabattyń terezesinen qulap ketken eki balaǵa ota jasaldy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, qazirgi kezde oblystyq kópbeıindi balalar aýrýhanasynda jatqan aǵaıyndy eki

balanyń jaǵdaıy aýyr.

«Balanyń úlkeni 6 jasta bolsa, kishisi 3-te ǵana. Bireýiniń sol jaq ókpesi, ekinshisiniń oń jaq búıregi jarylǵan. Kishisi áli jansaqtaý bóliminde», dedi QazAqparat tilshisine A.Saqposynova.

Eske sala keteıik, budan buryn Oralda bir úıdiń eki balasy besinshi qabat terezesinen qulap ketkenin jazǵan bolatynbyz.