Oralda bes qabatty úıdegi órtten 25 adam evakýatsııalandy
ORAL. QazAqparat – Oralda bes qabatty úıdegi órtten 25 adam evakýatsııalandy, dep habarlaıdy QazAqparat tilshisi.
BQO Tótenshe jaǵdaılar departamentiniń baspasóz qyzmeti málim etkenindeı, oqıǵa 18 qańtar kúni túnde Qurmanǵazy kóshesi 168-mekenjaıynda boldy.
Saǵat 22.39-da úshinshi qabattaǵy №30 páterden órt shyqqany jóninde habar tústi.
Atalǵan páterde jeke zattar men jıhaz janǵan.
Oqıǵa ornynan 25 adam shyǵarylsa, sonyń altaýy – balalar.
«Tilsiz jaýdy» aýyzdyqtaýǵa jeke quramnan 21 adam, 6 tehnıka jumyldyryldy. Órt saǵat 23.13-te tolyqtaı joıyldy.
Qazirgi kezde órttiń shyǵý sebebi, kináliler, keltirilgen shyǵyn anyqtalý ústinde.
Eske sala keteıik, budan buryn Oralda garajdaǵy órtten áıel adamnyń kóz jumǵanyn jazǵan bolatynbyz.
