Oralda bes avtokólik túıisip, 19 jastaǵy boıjetken aýrýhanaǵa jetkizildi
ORAL. QazAqparat - Oralda bes avtokólik túıisip, 19 jastaǵy qyz aýrýhanaǵa jetkizildi, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin saǵat 12.00 shamasynda Zachagan kentindegi Jáńgir han kóshesi boıynda, «Búrkit» janar-jaǵar maı stansasy tusynda oryn aldy.
«Mersedes» avtokóligi jol shetinde turǵan «GAZel», «Nıssan», «Lada Vesta» jáne «VAZ-2115» avtokólikterin soqqan. Sonyń saldarynan 19 jastaǵy júrgizýshi qyz jaraqat aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge saǵat 12.06-da qońyraý shalyndy. Jedel járdem brıgadasy bes mınýtta jetken.
«Zardap shekken 2000 jylǵy qyz oblystyq kópbeıindi aýrýhanaǵa jetkizildi», - dedi A.Saqposynova.
