Oralda belgisiz jándik shaǵyp alǵan 9 jasar bala jansaqtaý bóliminde jatyr
Týystarynyń sózine qaraǵanda, oqıǵa 27 shilde kúni qalaǵa qarasty Serebrıakov kentinde boldy.
Oınap otyrǵan kezde balany belinen shaqqan. Bala shoshyp ketip, qolymen qaqqanda, jándik oıynshyq tárelkege ushyp túsken.
«Búıi shaqty» dep oılaǵan bala oınap ketkenimen, keıin ishin ustap, jylap, aıaǵy uıyp, basa almaı qalǵan. Qaıta ana jándikti ustap, bankaǵa salyp qoıǵan. Sýretin salystyrǵanda, qaraqurtqa kelińkireıdi.
«Ulym oblystyq kópbeıindi balalar aýrýhanasynyń jansaqtaý bóliminde jatyr. Beti beri qarady. Biraq qaıta-qaıta qyzýy kóterile beredi. Dárigerler turýǵa, júrýge bolmaıdy deıdi. Jándikti aýrýhanaǵa apardyq ne ekenin anyqtaý úshin», - dedi QazAqparat tilshisine balanyń ákesi Bolat Óteshev.
Oblystyq densaýlyq saqtaý basqarmasynyń baspasóz qyzmeti balanyń jansaqtaý bóliminde jatqanyn rastady. Jaǵdaıy jaqsaryp keledi.
«Aýrýhana dárigerleri qandaı jándik ekenin esh jerde anyqtamaıdy dep otyr», - dep habarlady vedomstvodan.
BQO sanıtarlyq-epıdemıologııalyq baqylaý departamentiniń baspasóz qyzmeti de atalǵan jándikti anyqtamaıtynyn jetkizdi.