Oralda belgisiz er adamnyń múrdesi tabyldy
ORAL. QazAqparat - Oralda búgin tańerteń er adamnyń múrdesi tabyldy, dep habarlaıdy QazAqparat tilshisi.
Er adamnyń denesi D.Nurpeıisova kóshesi boıyndaǵy «Guest» túngi klýby men A.Ostrovskıı atyndaǵy oblystyq orys drama teatry arasyndaǵy butalardyń ishinen tabylǵan.
Marqumnyń denesinde zorlyq belgileri bolmaǵan.
BQO polıtsııa departamenti jergilikti polıtsııa qyzmetiniń basshysy, polıtsııa polkovnıgi Manarbek Ǵabdýllın qazirgi kezde osy oqıǵa boıynsha jumystar júrgizilip jatqanyn jetkizdi. Naqty málimet keıin beriletin bolady.
Eske sala keteıik, búgin avtokólik qaǵyp ketken er adamnyń kóz jumǵanyn jazǵan bolatynbyz.
